Welcome to Halimbawa ng mga Tagalog na Tula!

Ang blogsite na ito ay naglalaman ng mga halimbawa ng mga tagalog na tula ng aming mga kaibigan. Maraming salamat sa pagbisita at sana'y naging makabuluhan ang inyong pagdalaw.
Notice:

Please see our SITEMAP to browse all tagalog poems and their respective authors/contributors. Thank you!

SHARE THIS!

Wednesday, July 27, 2011

Tula Sa Diyos na May 12 Pantig

(Halimbawa ng isang tula tungkol sa Diyos Ama)

Aking Idolo Kahit Hindi ko Nakikita

Tagalog na Tula - Hindi Bobo Ang Aking Idolo
ni: JML


Sa kinamulatan kong pugad sa mundo,
Ang kinagisnang tatak - itong IDOLO,
Sa kalsadang panay sama at siphayo,
Siya itong dulo sa daang baku-bako.

Sa luksong wikang malamig at bahaw,
Wala mang tunog ay pumapaibabaw,
Sa dusa at luha ay makakapagsayaw,
Pusong nakagapos ay maigagalaw!

Langitngit ng sahig nitong kalangitan,
Katalik ng kanyang yapak na tuntungan,
Sa kamay na ningning, kanyang tangan-tangan,
Ang buhay mo’t bukas pati kamatayan.

Alam itong lahat ng iyong gawain,
Mula sa umaga hanggang sa dumilim,
Ang kulay ng puso kung ito’y maitim,
Ililigtas niya at papuputiin.

Malalaman niya guhit nitong puso
Kahit pilitin mong ipakatago-tago,
Ang diwang mahalay at isip na liko,
Hindi malilingid hanggang sa pagyao.

Palisin sa diwa ang kapanabikan,
Na gumawa ng lilo’t mga kasamaan,
Mundong pagnanasa at tawag ng laman,
Iwasang mahulog sa imbing kasalanan.

Siya ang AMA ko, ang naging simula,
Nitong isang ako na nagmula sa wala.
At wakas din namang ang tungo’y kabila,
Kung mapugto na nga ang aking hininga!

Paglalarawan: Tula na may 12 labingdalawang pantig at apat na taludtod, pitong saknong, maikling tula tungkol sa Diyos.

Previous Posts:

• Tula Tungkol sa Ang Filipino ay Wikang Panlahat, Ilaw at Lakas sa Tuwid na Landas
Malaya Ako sa mga Pangarap
Tagalog na May Tugma

4 comments:

Anonymous,  July 18, 2013 at 8:38 AM  

maraming salamat natapos ko rin yung project ko ! hahahahaha .. LLN xD

Anonymous,  July 20, 2013 at 4:29 PM  

nyak corny

Renz Trovela September 22, 2013 at 6:38 PM  

maganda sana pero may alternative title ba para jan?

Post a Comment

    ©   Halimbawa ng mga Tagalog na Tula All Rights Reserved 2009

Back to TOP