Tagalog na Tula Tungkol sa Kalikasan
"Isang paglalarawan ng mga pagkasira ng mga kabundukan at ganda ng ating kalikasan dahil lamang sa iilang tao na ganid at walang inisip kundi ang magkamal ng sandamakmak na salapi. Ni hindi yata isinasaalang-alang ang susunod na henerasyon ng ating bansa. Isang saludo para sa sumulat. Mabuhay ka!"
 |
| Homonhon Island |
Isla ng Homonhon
ni: Naty Martinez
Isla ng Homonhon kay gandang pagmasdan
Sa gitna ng dagat tila nakalutang
Ako’y nananabik ika’y mapuntahan
Nang maibsan naman yaring kalungkutan.
Tatlumpu’t dalawang taong nakalipas
Nang huling madalaw at ganda’y mamalas
Sana isang araw makamtan ang lunas
Nitong kalungkutang aking dinaranas.
Nalulungkot ako sa tuwing makikita
Sa mga litratong inilalathala
Bundok na kay ganda ngayo’y sinisira
Ng mga dayuhang hayok sa biyaya.
Oo nga’t ang iba doo’y kumikita
Sa yaman ng isla bigay ni Bathala
Nguni’t sana naman maisip din nila
Ang kahihinatnan bukas-makalawa.
Huwag nating hayaang tuluyang mawasak
Islang minamahal sa ganda’y busilak
Ang sinumang taong doon ay mapadpad
Angking ganda nito’y hahangaang tiyak.
Kaya’t di mawaksi sa puso’t isipan
Isla ng Homonhon baryo Casuguran
Sana isang araw muling masilayan
Ang napakagandang lupang sinilangan.
Iba pa:
• Isang Halimbawa ng Tagalog na Tula
• Maikling Tagalog na Tula
Side Note:
“Homonhon Island is located in the southern tipmost of Eastern Samar and is under the municipality of Guiuan, Eastern Samar. Historically speaking, Homonhon Island is the place where Ferdinand Magellan first landed.”
---Naty Martinez
18 comments:
Maraming salamat Ariana sa paglathala mo ng sinulat kong tula.Labis ang aking kalungkutang nadarama sa nangyayari ngayon doon sa isla na walang habas na minimina ng mga dayuhan.Dasal ko lang na sana huwag maranasan ng mga taga roon ang nangyari sa Ormoc noon.At sana magising ang mga kinauukulan sa masamang epekto ng mina sa isla ng Homonhon.
.......wow.. its really a paradise...
pwd po kaung mag past ng tula about sa linggo ng wika na kaya ng Grade- I pupils? thanks po
ang ganda ng tula gusto kong makarating doon
Yes,Homonhon island is really a paradise but due to chromite mining that's going on in the island I doubt if we can still call it paradise if the mining won't stop. The mountains are already greatly devastated.
It's Awesome. Two Thumbs up for the writer.
Maganda bang pumunta jan sasama ko kung libre ang pamasah(jv pogi po )(#18)
NAWAWALA NA ANG KAGANDAHANG TAGLAY NG ATING KALIKASAN NA IPINAMANA PA SA ATIN NG ATING MGA NINUNO
Its..really nice tula at ang ganda ng iland..
napaka-gandang tulang aking nabasa.
tagos sa puso kong nagdurusa..
Kaygandang tulang aking nabasa,
tila bagang puso ko'y nagdurusa.
Sapagka't kalikasan nating kayganda,
ngayon ay wasak na.
Maraming salamat Melody Pearl Pinat at nagustuhan mo ang sinulat kong tula.
Pwd ko pobang kopyain? May homework po ksi kmi eh :)
Beautiful.
ganda ng common island
ganda ng common island
Ang ganda po talaga ng lugar na yan. Minsan lng aq nakapunta jan at ang sarap balik balikan. Sana lng po mareserve ang kagandahan nya 4ever at indi masira ng mga taong gahaman sa mina.
Ang ganda po talaga ng lugar na yan. Minsan lng aq nakapunta jan at ang sarap balik balikan. Sana lng po mareserve ang kagandahan nya 4ever at indi masira ng mga taong gahaman sa mina.
Post a Comment