Welcome to Halimbawa ng mga Tagalog na Tula!

Ang blogsite na ito ay naglalaman ng mga halimbawa ng mga tagalog na tula ng aming mga kaibigan. Maraming salamat sa pagbisita at sana'y naging makabuluhan ang inyong pagdalaw.
Notice:

Please see our SITEMAP to browse all tagalog poems and their respective authors/contributors. Thank you!

SHARE THIS!

Friday, July 29, 2011

Tula Para sa mga Pinoy

Tula Para sa mga Pinoy


Pagsubok
ni: Cruz Luis Tampiong

Mag-agahan tayo ng buntung-hininga,
Higupin ngayon din, ating pagdurusa,
Gawin nating kape dito sa umaga
Mga butil ng luha at mga litanya.

Papakin ninyo ang mga pangamba
Na bukas uulit ganitong eksena,
Ilagay sa plato ang lahat ng dusa,
At manatili ka sa umuugang mesa!

Inyong tanghalian ay salat na pangarap,
Nagkulang sa kulay hindi nagkapalad,
Isabaw sa bahaw ang luhang pumatak,
Ipagharimunan pagkat hindi sapat!

Igisa sa mantika ang salat na pag-asa,
Kulang na kulang ba o walang natira?
Napipi’t nabingi - lungkot na ligaya,
Isusubo mo rin o iyong iluluwa?

Naglupasay naman para sa hapunan
Ang maraming hukay doon sa kanluran,
Dikit-dikit lagi ang pangangailangan,
Gutom mapapawi, lilipas din naman.

Isahok sa pait ang pangungulila
Gawing panghimagas ng gutom na sikmura,
Tamis na nalimot pati na sustansya
Lasapin ng dila, walaing bahala!

Ngunit kung kikilos ngayon saka bukas
Hindi magkukulang walang pagkamalas,
Kapalarang tuwid tiyak na lalabas
Patag na kalsadang hindi na madulas!

Sa hapag ng laban, magsikap manalo,
Bungkalin ang buhay saka iararo,
Upang mga sakit ng pagkasiphayo,
Mamatay sa putik at diwang matalo!

Maikling Tulang Pilipino
Tula Tungkol sa Pag-ibig
12 Pantig

4 comments:

Anonymous,  July 17, 2013 at 9:17 PM  

what a wonderful poems for filipino

Anonymous,  December 6, 2013 at 5:33 PM  

what a nyc poem

Anonymous,  June 30, 2014 at 7:19 PM  

anyamutten ....awan payy..sab sabali mt gamin t isung sungbat u...!!!jajajaj

Post a Comment

    ©   Halimbawa ng mga Tagalog na Tula All Rights Reserved 2009

Back to TOP