Welcome to Halimbawa ng mga Tagalog na Tula!

Ang blogsite na ito ay naglalaman ng mga halimbawa ng mga tagalog na tula ng aming mga kaibigan. Maraming salamat sa pagbisita at sana'y naging makabuluhan ang inyong pagdalaw.
Notice:

Please see our SITEMAP to browse all tagalog poems and their respective authors/contributors. Thank you!

SHARE THIS!

Thursday, July 14, 2011

Sintang Pagkakaisa Isang Tulang Tagalog

Halimbawa ng Tulang Tagalog

Pagkakaisa / Image: news.mindanao.com
Sintang Pagkakaisa
ni: Kiko Manalo

Sintang Pagkakaisa!
Saan ka sumuling?
Tila naligaw ka ng iyong landasin,
Narito ang anak, iyong kandungin,
Uhaw na uhaw sa iyong pagdating!

Sintang Pagkakaisa!
Saan ka nagtungo?
Hindi ba dapat na sila ang humayo?
Maraming nilalang ang nagbabalatkayo,
Nagkukubling oso sa imbi ng mundo!

Sintang Pagkakaisa!
Bakit natapilok?
Sa daang mainam ay nakikihamok,
Bumangon ka ngayon, saka pumalaot,
Haplusin itong puso ng dito'y nanasok!

Sintang Pagkakaisa!
Gising ba ang dibdib?
O sadyang nahimbing at napasaliblib?
Laksa ng langayang maghari ang ibig,
Ikaw na nga sanang bahalang umusig!

Sintang Pagkakaisa!
Nasaan ka?
Kubkubin ngayon din nitong pagkalinga!
Yakaping mahigpit ng pag-aaruga!
Halikan mo ang puso, pati kaluluwa!

Sintang Pagkakaisa!
Ngayon ay nariyan,
Ang hiwa-hiwalay na buto't kalamnan,
Nawa ay magsilbing isang kapagkitan,
Upang mangagdugtong ang sangkalupaan!

(likod-bahay 2012)

Sintang Pagkakaisa - tula ni Kiko Manalo - halimbawa ng tula tungkol sa pagkakaisa

2 comments:

Anonymous,  May 1, 2013 at 10:15 PM  

I have read a few good stuff here. Certainly worth bookmarking for revisiting.
I surprise how a lot attempt you put to create this type of excellent
informative web site.

Visit my web blog ... how to lose weight fast

Anonymous,  August 25, 2014 at 11:46 AM  

Shet ang lalim o.O
ginoo, maari bang makahiram ng panyo dahil ang aking ilong ay nagdurugo na xD

Post a Comment

    ©   Halimbawa ng mga Tagalog na Tula All Rights Reserved 2009

Back to TOP